غصن الزيتون
على غصن الزيتون
وقف الحمام الحزين
يدور على الوطن
لقى غيره كتير تايهين
من ديارهم مطرودين
فى البلاد لاجئين مساكين
والصهاينه فى اراضيهم عايشين
بيبنوا المستوطنات
ويهدموا البيوت
واصحاب الارض مقهورين
للطين فوق رؤسهم شايلين
وكان السما بتشتى رعود
واخطبوط الموت
بيغازل الولاد فى البيوت
ماسك خيوط الهم والزل
وقف الحمام المسكين
والدموع سيول من عيونه نازلين
غرقوا الارض العطشانه
للزيتون وناسها المسافرين
واللى زاد وغطى
لقى اشجار الزيتون
ماشيه فيها النيران
والجرافات بتخلع الجزور م
من قلب الطين
والشعب فى حصار
اديله سنين
والقدس متحرمه علينا
الحسره والالم ملت قلب الحمام الجزين
وشاف البستان
مليان بالورود مقطوفين
فى دمهم غرقانين
شباب واطفالل لما تشوفهم
العقل يروح
الموت بيحصد فيهم حصد
اتهز الحمام من الخوف
وطار فى الهوايجى ويروح
يدور على الوطن
لقاه فى ايد الصهيون
زليل مكسور
ولقى الغربان فى البيوت
عايشين مطمنين
وصوت البوم بيرفرف
ويغنى للخراب
عينى عليك ياوطن
لما تتسرق كدا عينى عينك
ويعيش الصوص فيك
متهنيين فرحانين
طار الحمام الحزين
فى بكاه الانين
يرفرف على حطين
ويفتكر ايام صلاح الدين
كلمات زينب السعيد