الفنانة الموهوبة بالفطرة أم محمد !!!!
"" ... بما إني فنانة كبيرة وعمري ما اتفرجت على رسوم شكسبير أوحتى رسمت خط على ورقة ولأني سمعت إن المتذوقين للفن قاربوا على الإنقراض قررت إني أزيد عددهم وأزور معرض تشكيلي وطبعا وأنا في طريقي بحاول أتقمص شخصية المتذوقين دول المهم أول موصلت المعرض أخذت أتأمل وأتأمل ثم تأملت أيضا ... لحد ما وصلت لركن بيعرض أعمال فنية عبارة عن تشكيل بالمعادن وده أكتر ركن شدني في المعرض كله فماعرض يجذب من يراه إلى الفن التجريدي البسيط والمعنى العميق الذي يحمله يشد نظرك نحوه فتظل واقفامتخيلا أشكال عديدة للققطعة الواحدة تماما كما نتخيل ونحن ننظر إلى السحاب (دخلت في المووود بقى) وبعد كل ده لفتت نظري ورقة كشكول معلقة في الركن ده مكتوب عليها (أعمال الفنانة الموهوبة بالفطرة أم محمد) من هي أم محمد ديه قعدت أسئل واستفسر "صحفيين بقى" لحد ماعرفت وكانت المفاجأة أم محمد هي فراشة في كلية التربية الفنية وبما أنه الصحفي رذل ومبيهدلوش بال لحد مايوصل لمصدره وصلت لأم محمد :) وكان لها مع " أخبار السعيدة " هذا الحوار.....
فنانتنا الكبيرة ممكن تحكيلي عن نفسها؟
أنا أم محمد بشتغل فراشة في كلية تربية فنية وبعمل شاي للأساتذة وأنا أصلى من طمى من الصعيد أتربيت و أتجوزت فى باب الشعرية
بد أت تشتغلي في الكلية من إمتى؟
هو في دادة هنا أسمها أم حمادةمن يجي 25 سنة قالتلى تعالى أشتغلى معايا فى الكلية بتاعة الى بيرسموا دول و جوزى الله يرحمه كان شغال فى البلدية و الى جاى على قد الى رايح قالى روحى معاها أهم قرشين ينفعوا ، وجيت معاها وواحد موظف دخلنى قسم المعادن ده ومن يومها ماسبتوش بقيت أنضف المكان و أعمل للدكاترة شاى
إيه إلي كبر فكرة تشكيل المعادن وبدأت ازاي ومن قد إيه؟
الحالة أشتدت بيا لما جوزى مات والهم كتر سابلى خمس بنات والبكرى محمد الى ماباشوفوش قاعد فى السويس، على طول زى قلته ....بقيت أخرج نفسى من الطاحونة الى أنا فيها بالفرجة على الطلبة وهما بيشتغلوا. وفى مرة بعد ما روحوا قعدت زى كل يوم ألم بواقي النحاس إلي بكنسها قلت ام أعمل زي الطلبة دول فبدأت أسيح النحاس وبعدين حطيت عليه المحلول ده إلي بيلمعها ولقيتنى عمالة أعمل فى شكل يشبه شكل راجل محنى من حمل تقيل، شايله فوق ضهره الراجل ده فكرنى بجوزى الله يرحمه، ومن يومها بقيت أعمل حاجات كتير زى دى وده يجي من 20 سنة
إيه كان رد فعل زميلك والدكاترة في القسم أم شافوا الحاجات إلي عملتيها ؟
ييييييييييه شبعت تريقة منهم سواء كانوا الفراشين أومن كم دكتور هنا لحد مافي يوم دكتور خالد ودكتور عماد خدو بالهم مني وعملولي علقات أعلق فيها الحاجات وبروزهالي
عرفت إزاي تحجزي جزء من القاعة ديه مع الفنانيين دول ؟
ربنا يخليهم دكر عماد وخالد اتفقوا مع زميلهم يدخلوني معاهم المعارض بتاعتهم مساعدة لله وبقوا يسموني الفنانة الموهوبة بالفطرة أم محمد
في حد إشترى حاجة من شغلك يافنانتنا ؟
كتييييير أولهم كان اخو العميد في الكلية إلي بشتغل فيها خد منى 15 حتة الواحدة بتلاتة جنيه ولما عرفت أنه ضحك عليا فيهم وأنهم أغلى من كدة ما أدتلوش حاجة تانى، ودكتورة تانية خدت منى 30 حتة و قالتلى حارجعهوملك تانى و لحد دلوقتى مش عايزة ترجعهوملى
| مواهب سبحان الله موهبه فين الناس اللي تقدر المواهب |